मर्चंट नेव्हीच्या जहाजांवर अनेक प्रकारचा कचरा तयार होतो. नेहमीचा ओला /सुका कचरा होतोच.  शिवाय बँटरी, वापरलेले खराब तेल,  विवीध रासायनीक द्रव्ये वगैरे. या सर्व कचर्याचे विलगीकरण काटेकोरपणे केले जाते व जहाज बंदरात आल्यावर सदर कचरा बंदर व्यवस्थापनाकडे दिला जातो व त्यांच्याकडून दिलेल्या कचर्याची तपशीलवार पावती दिली जाते. सदर पावती जपून ठेवावी लागते. कारण पुढील कोणत्याही बंदरात जहाजात निर्माण झालेल्या कचर्याची विल्हेवाट कशी लावली याबाबत कधीकधी विचारले जाते व समाधानकारक ऊत्तर न दिल्यास, ,पावती न दाखवल्यास नियमभंग झाल्याचे समजून मोठा दंड आकारला जातो. जहाजावर  मला कचरा वर्गीकरणाचा अनुभव आहे. त्यामुळे महापालिकेची यासंबंधात नोटीस आल्यावर मी जवळपास एकहाती एक छोटेखानी Garbage station आमच्या सोसायटीच्या आवारात गेटला लागून तयार केले. लाँकडाऊन म्हणजे बाहेरून काही वस्तू आणणे शक्य नव्हते. कोणी कामगार पण उपलब्ध नव्हते. आमच्या सोसायटीतील सभासदाकडे उपलब्ध साधनसामुग्री वापरून त्याची उभारणी केली. त्यामधे महापालिकेने सांगीतल्याप्रमाणे नऊ प्रकारचा कचरा ठेवण्याची व्यवस्था केली आहे. व कुठला कचरा कुठे टाकावा हे स्पष्टपणे लिहीले आहे.